आणि बदली झाली...

आणि बदली झाली.....

एका तद्दन प्रॅक्टिकल आयुष्य जगणाऱ्या व्यक्तीला ज्योतिष विषयाचा अनुभव देण्याचा योग मला नुकताच आला...

परिचयातील व्यक्तीने बदली संबंधी प्रश्न विचारला होता...

एका ओळखीतल्या व्यक्तीची सरकारी खात्यात बदली ड्यू आहे, पण काही ना काही अडचणी येतायत तुम्ही तुमचं स्किल वापरून मला या प्रश्नाचे उत्तर द्या...

प्रश्न: इच्छित ठिकाणी बदली कधी होईल???

13/ 12/2021

सकाळी 07.10

पुणे..

आरपी खालील प्रमाणे...

L: मंगळ (1/5,12  नस्वा. शनी 2/2,3) केतू (12/1,5,9)

LS: शनी (2/2,3  नस्वा चंद्र 4)

S: बुध (1/8,10 नस्वा. केतू 12/1,5,9 )

R: गुरू (3/2,4 नस्वा. मंगळ 1/5,12)

D: चंद्र (4 नस्वा. बुध 1/8,10)

दशमचा सबलोर्ड बुध आहे आणि तो rp त आहे म्हणजे कामात नक्की to be or not be अशी परिस्थिती आहे...

तो बुध 1,8,10

1,5,9,12

1,5,12 

नोकरीतील बदली साठी 3,5,8, 9,12 या स्थानाचा विचार होतो...

इथे दशामाचा सबलॉर्ड  आवश्यक सर्व स्थानांचा याचा कार्येश असल्याने बदली नक्की होणार...

फक्त ती मनात असलेल्या ठिकाणी होईल असं वाटत नाही..

मनाविरुद्ध बदली होईल आता आहेत त्यापेक्षा लांब जाण्याचा योग दिसतो..

नोकरी च्या ठिकाणी यांच्या हाताखाली जे कामे करतात त्यांच्या कडून चमत्कारिक वागणूक मिळत असावी...

आर्थिक देवाण घेवाण करण्याच्या भानगडीत पडू नये...

शुभेच्छा!!!

एवढा मेसेज टाईप करुन सोडून दिला...

कधी होईल हा प्रश्न अनुत्तरीत च राहिला...

आरपी तील ग्रहांचे कार्येशत्व पाहिले...

प्रश्न वेळी रवी वृश्चिक राशीत होता...

प्रश्न लग्न स्थिर असल्याने लगेच काय काम होत नसत.. परत हे तर  सरकारी काम.. म्हणून रविचे वृश्चिक भ्रमण सोडून दिले...

RP त गुरू आहे आणि त्यातील केतू हा मंगळाच्या मार्गाने RP त आलाय.. मग डिसेंबर च्या उत्तरार्धातील तारीख निश्चित करायची का हा प्रश्न होता कारण त्यावेळी रवी मूळ नक्षत्रात असेल जो कार्येश भावाच्या ग्रहांच्या मालिकेतून जाईल..

पण परत एकदा मी द्विस्वभवी बुध आणि स्थिर लग्न यांच्या वर भरोसा ठेवून थोडी लांबची तारीख दिली...

लगेच पुढचं RP शनी होता त्याच्या मालिकेतील चंद्र मंगळ हे RP त आहेत...

शनी आणि मंगळ हे आवश्यक भावाचे कार्येश ही आहेत... 

मग सांगून टाकल बदली नक्की होईल पण मकर संक्रातीच्या नंतर म्हणजे जानेवारी महिन्याच्या उत्तरार्धात होईल 

प्रत्यक्ष बदली चे कागदोपत्री आदेश बरोबर मकर संक्रातीच्या मुहूर्ताला म्हणजे 14 जानेवारी 2022 ला निघाले...

त्याचा फीडबॅक पण आला...

 पण, वरती म्हटलं तस हे सरकारी काम होत... इतक्या सहजासहजी होईल का?? 

दोन दिवसांनी पुन्हा मेसेज की अहो गुरुजी आदेश निघाले पण, सध्याचे कार्यालय कार्यमुक्त करत नाही... 

मी म्हटल, रुको जरा सब्र करो...

अखेर सध्याच्या कार्यालयाने 2 फेब्रुवारी 2022 रोजी कार्य मुक्ती चा अहवाल दिला....

आणि काल 3 फेब्रुवारी 2022 रोजी नव्या कार्यालयात रुजू झाल्या....

रवी RP तील शनी च्या राशीत चंद्राच्या नक्षत्रात...

करता करविता गुरुदेव दत्त...

- हर्षद मोहन चाफळकर ( Harshad Chaphalkar )